"La tarea del educador moderno no es podar las selvas, sino regar los desiertos."

Clive Staples Lewis (1898-1963) Idazle Britainiarra.

Scratch

lunes, 8 de febrero de 2010 14:41 Publicado por Teknologi berriak
Etiquetas: , , , 0 comentarios

Koloreak scratcha ikusteko hemen.

Gure Scratch-a kolorei buruzkoa da. Gure helburua haurrek koloreak identifikatu eta hauek ikastea da. Haur hezkuntzako bigarren zikloko haurrei zuzenduta dago, baina beti ere irakasle edo heldu baten laguntzarekin. Baliabide honekin arreta, memoria, irakurmena eta idazketa lantzen dute. Honen bitartez haurrek baliabide teknologiko berriekin interaktua dezakete eta horrela sormen modu desberdinak garatu ditzakete. Beste abantailetako bat da, baliabide hauek gurasoei helarazi daitezkeela eta horrela, haurrak ikasgelan ikasitakoa etxean landu dezake. Jakina da eskola eta gurasoen arteko harremana funtsezkoa dela haurrak garapen egokia izateko, eta baliabideak elkarbanatuz emaitza hobeak segurtatu daitezke.

Erabili beharreko errekurtso nagusia ordenagailua da eta giza baliabideei begiratuz, irakasleak ariketa azaldu eta haurrak gidatu beharko ditu.Eta dinamikari buruz, esango dugu scratch-a erabiliko genuela denon artean, umeak korroan eserita eta irakasleak ordenagailua erabiltzen umeek esandakoaren arabera. Beste erabilpen bat izango litzateke gurasoen laguntzarekin, horrela lana indibidualizatuagoa izango litzateke eta helduak umeak esandako erantzunak ordenagailuan idatzizko lituzke.

Scratcharen tutoriala:


Tutoriala egiteko, erabili ditugun baliabideak honako hauek izan dira: ordenagailua, mikrofonoa, web-kamera, live-stream programa eta internet-a.

Scratch-en tutorial gehiago ikusteko sakatu hemen: I, II, III

Animalia ornodunak

domingo, 7 de febrero de 2010 6:21 Publicado por Teknologi berriak
Etiquetas: , , , 0 comentarios

Animalia ornodunen inguruan egindako mindomoa ikusteko sakatu hemen

Mindomo hau lehen hezkuntzako umeei zuzenduta dago, bereziki 8 eta 10 urte bitarteko umeentzat. Gure ustez, egindako eskema hau erabilgarria izan daiteke klasean erabiltzeko animalia hauei buruzko ezaugarriak barneratzeko. Horrela, testu liburua erabil daiteke informazioa lortzeko eta ondoren, mindomoa informazio gehiago ezagutzeko. Hau da, mindomo hau ez da erabiliko liburuaren beharrean, baizik eta liburuan etortzen den informazioa osatzeko.

Esango dugu eskema honen bitartez bi helburu lortzen direla. Alde batetik, umeek animalia ornodunen sailkapena ezagutzea eta bestetik, teknologi berrien erabilera lantzea, kasu honetan, mindomo programaren bitartez. Modu honetan, umeak era motibagarri batean ikas ditzake animalia horien ezaugarriak eta aukera dauka bideoak eta artikuluak bere kabuz aztertzeko. Beste alde batetik, egindako eskemak abantailak dituela esan dezakegu, umeek modu erraz batean erabili dezaketelako, eta ahalbideratzen duelako ume bakoitzak bere erritmoan lan egitea. Arrazoi hauengatik interesgarria iruditzen zaigu eskema hau erabiltzea gai hau lantzeko, pentsatzen dugulako baliogarria dela umeen interesa pizteko. Eta errekurtsoei buruz, esango dugu beharrezkoa izango dela ordenagailua(k), arbel digitala eta internet-a.

Dinamikari dagokionez, programa hau denon artean erabiliko genuke edo ume bakoitza bere ordenagailuan egonda. Bi aukerak aukera aberasgarriak izan daitezke. Denon artean erabiltzearen onura irakasleak mindomoan agertzen denari azalpena gehitu dezakeela da eta gainera, umeen zalantzak momentuak argi ditzake. Beste aldetik, ume bakoitzak ordenagailu batean erabiltzen badu bere kabuz azter dezake mindomoa, beti bere erritmoa jarraituz. Baina horretarako, beharrezkoa izango da ordenagailu gela egotea.

Mindomoaren tutoriala



Tutoriala egiteko, erabili ditugun baliabideak honako hauek izan dira: ordenagailua, mikrofonoa, web-kamera, live-stream programa eta internet-a.

Mindomoaren beste tutorialak ikusteko: I, II, III.







Bubak jolastu egin nahi du

sábado, 6 de febrero de 2010 2:37 Publicado por Teknologi berriak
Etiquetas: , , , 0 comentarios

Komiki hau ikusi ahal izateko, sakatu hemen

Komiki honen bidez, haurren artean arrazakeria saihestea da gure helburua. Gure gizartean asko eta asko dira arrazoi ezberdinak medio, beren herrialdeak utzi eta Euskal Herrira etorri direnak. Andaluzak, madrildarrak, marokiarrak, senegaldarrak, txinatarrak, errumaniarrak,….eta beste asko eta asko dira gure herrietan bizi diren neska mutilak eta beraiekiko harremana ahalik eta hoberena izatea da gure eginbeharra.

Beste edozein neska mutilek dituzten eskubide berberak dituzte, eta horregatik garrantzitsua da haurrek beste edozein bezala tratatzen irakastea. Beste herrialde batwtik etorri direlako ez dira ebzerdinak, eta horrek ez digu inongo eskubiderik ematen beraiek baztertu edota iraintzeko.

Asko eta asko bakarrik etortzen dira, ez dute inor ezagutzen eta gainera guk baztertzen baditugu ezinezkoa eta jasangaitza egingo zaie, gizarteratze prozesua, berainetzat hain arrotza den herri batean.

Hau dela eta garrantizitsua iruditu zaigu, gai hau lantzea eta komiki honen bitartez, haurrei inor ez baztertzea eta azalaren kolorea edota nazionalitatea alde batera utzirik, edozein pertsonarekin jolastu dezaketela azaldu nahi izan diegu, leku ezberdinatako lagunak izatea zein abersagarria den erakutsiz.

Komiki hau 3-12 urte bitarteko haurrentzat egokia dela uste dugu. 3 urteko haurrek ezingo dute irakurri, baina bai irakasleak, gurasoek edota beste edozein pertsonak irakurrita eta marrazkiei begiratuta ulertu ditzakete komikiaren nondik norakoak. Haur Hezkuntza eta Lehen Hezkuntzarako egokia dela uste dugu, urte horretan beharrezkoa ikusten baitugu arrazakeriaren gaia landu eta jokamolde batzuk erakustea, behin hori barneratuz gero, bizitza guztirako barneratuta izango dutelarik. Horretarako, beharko ditugun errekurtsoak ordenagailua, internet-a eta arbel digitala izango dira.

Klasean erabiliko genukeen dinamikari buruz, esango dugu aproposa iruditzen zaigula bai denon artean arbel digitalean ikusteko, bai bakoitzak ordenagailu batean ikusteko. Eskolak dituen ezaugarrien arabera (arbel digitala duten edo ez, guztiontzat ordenagailuan dauden edo ez, etab.) aukeratuko genuke nola erabili. Hala ere, esango dugu bi aukerak interesgarriak iruditzen zaizkigula.

Pixtonen erabileraren tutoriala


Tutoriala egiteko, erabili ditugun baliabideak honako hauek izan dira: ordenagailua, mikrofonoa, web-kamera, live-stream programa eta internet-a.
Pixtonen tutorial gehiago ikusteko sakatu hemen: I, II, III.

Aho-korapiloak ikasten

viernes, 5 de febrero de 2010 15:31 Publicado por Teknologi berriak
Etiquetas: , , , 0 comentarios



Voki-aren bitartez egindako aho-korapilo hau haur hezkuntzako bigarren zikloko umeentzat zuzenduta dago. Esan behar dugu, umeekin aho-korapiloak erabiltzea interesgarria iruditzen zaigula saioa antolatzeko, arreta berreskuratzeko, memoria lantzeko eta deskantzatzeko guneak eskaintzeko. Gainera, horri gehitzen badiogu haien gustoko animalitxo batek aho korapiloa esango duela, askoz motibagarria izango da.

Gaitasunei dagokionez, esan dezakegu ariketa honen bidez umeek arreta, memoria eta hizkuntza lantzen dutela modu erakargarri batean. Gure ustez, voki-a oso interesgarria da umeekin lan egiteko, beraientzat oso dibertigarria delako eta gauzak modu erraz batean ikasi ahal ditzaketelako. Hortaz aparte, oso dibertigarria izan daiteke umeekin grabaketak egiteko eta gero haiek haien ahotsa panpin batean ikusteko.

Dinamikari dagokionez, programa hau erabiliko genuke asanbladan, denon artean zerbait entzuteko edo pixkanaka umeek grabaketak egiteko gelako ordenagailuarekin. Bakarrik entzuteko beharko genuke ordenagailua, internet-a, eta altabozak. Eta umeek grabaketak egin nahi izanez gero aurreko guztia erabiliko genuke baina baita mikrofonoa ere.

Vokiaren tutoriala:


Tutoriala egiteko, erabili ditugun baliabideak honako hauek izan dira: ordenagailua, mikrofonoa, web-kamera, live-stream programa eta internet-a.

Vokiaren beste turorialak ikusteko sakatu hemen: I, II, III.

Matematika ikasten livestreamekin

jueves, 4 de febrero de 2010 4:10 Publicado por Teknologi berriak
Etiquetas: , , , 0 comentarios

Gure livestreamerako matematika, zehatzago izateko 1etik 4 arteko kontaketa landu dugu. Horretarako, eta haurrarentzat entretenigarriagoa izateko, pailazoz mozorrotu gara. Horrela haurren motibazioa gehiago piztuko dela uste dugu.
Baliabide hau erabiliz umeek arreta, memoria, zenbakiak eta hauen segida ikasten dute. Bideoa ikusten ari diren bitartean, irakaslearen laguntza eta honen azalpena garrantzitsua iruditzen zaigu. Haur hezkuntzako lehen zikloko haurrei zuzenduta dago, zenbakien lehen nozioak jaso ditzaten.

Zenbakiak erakusteko modu hau, beste batzuekin osatu daiteke, baina honen kasuan, dibertigarria da, eta horrela haurrak ondo pasatzen barneratuko ditu matematika ezagutzak.

Dinamikari dagokionez, matematikaren gai hau landu eta gero klasean jarriko genuke umean asanbladan daudela. Horretarako, ordenagailu eta arbel digitala beharko da.




Livestreamen erabileraren tutoriala




Tutoriala egiteko, erabili ditugun baliabideak honako hauek izan dira: ordenagailua, mikrofonoa, web-kamera, live-stream programa eta internet-a.
Live-streamen beste tutorial gehiago ikusteko: I, II, III.

Hitz gurutzatuak

miércoles, 3 de febrero de 2010 9:37 Publicado por Teknologi berriak
Etiquetas: , , , 0 comentarios

Hitz gurutzatuetan jolastu nahi baduzu , sakatu hemen!

Hitz gurutzatu honen bidez, gure helburua haurrak gosariaren garrantizaz jabetzeaz gain, otordu honen inguruko hitz garrantzitsuenak ikastea izan da da. Egunero,esnea, gailetak.....hitz hauek gosariarekin lotura zuzena dute, eta horrela, ariketa ezberdinen bidez, hitz hauek barneratzeaz gain, gosaritan hauek duten garrantzia nabarmentzea nahi izan dugu.

Gosaria oso otordu garrantzitsua da, eta askok eta askok garrantzi nahikoa ematen ez diotenez gero, guk hori nabarmendu nahi izan dugu, umeei erakutsiz gosaltzea beharrezkoa dela eguna indartsu eta gogoz hasteko, horrela eskolan ere edozein ariketa, lan edota jolas egiteko indartuta eta motibatuta egongo direlarik.

Beharrezkoa dela uste dugu, gisa honetako ariketak egitea, umeak gosariaren garrantziaz jabetu beharra baitute.

Ariketa honetan hitzek dute garrantzia, hitz bakoitzaren silabak, haurrek hutsuneetan zer jarri jakin ahal izateko, hitzak eta hauen letra kopurua jakitea beharrezkoa delarik. Idazten eta irakurtzen jakitea funtsezkoa da ariketa hau egiterako orduan.

Ariketa hau, Lehen Hezkuntzako 1 eta 2. zikloetarak aproposa dela uste dugu, garai horretan hasten baitira hitzak irakurtzen eta idazten. Ariketa hau ordenagailuan edota paperean egin daiteke, beti ere irakaslearen laguntzarekin. Eta guk proposatzen dugu ume bakoitzak ordenagailu batean erabiltzeko edo arbel digitalean, irakasleak umeek esandakoa idatziz. Horretarako beharrezkoa izango ordenagailua eta arbel digitala.

Hitz gurutzatuen tutoriala:



Tutoriala egiteko, erabili ditugun baliabideak honako hauek izan dira: ordenagailua, mikrofonoa, web-kamera, live-stream programa eta internet-a.


Gosari puzzlea

martes, 2 de febrero de 2010 1:32 Publicado por Teknologi berriak
Etiquetas: , , , 0 comentarios



Gosari puzzle hau,haur hezkuntzako bigarren zikloko haurrei zuzenduta dago. Helburu nagusia haurrak gosari elikagarri batek izan behar dituen produktuez jabetzea da. Eta jabetzeaz gain, goizero-goizero behar bezala gosaltzeko errutina har dezala, beti ere gurasoen laguntzarekin. Izan ere, azpimarratu behar zaie, egoki gosaltzea oso garrantzitsua dela, eguna energiarekin hasteko. Gaur egungo haurrek litxarreria asko jaten dituzte, eta garrantzitsua iruditzen zaigu, beraiek ere ohar daitezen, zein produktu diren onuragarriak eta zeintzuk ez.

Puzzle honekin, arreta, memoria eta abilezia lantzen dute, jolasean gosari batek eduki behar dituen produktuak zeintzuk diren barneratzen dituzte. Tamaina eta formak ere lantzen dituzte.

Dinamikari dagokionez, komenigarria izango litzateke haur bakoitzak ordenagailu batean puzzlea egin ahal izatea, horretarako ordenagailu gelara joan beharko gara, hortaz, erabili beharreko errekurtsoa ordenagailua izango da, eta ez dugu ahaztu behar garrantzitsua izango dela irakaslearen azalpena eta laguntza.

Jigsaw Planeten erabileraren tutoriala




Tutoriala egiteko, erabili ditugun baliabideak honako hauek izan dira: ordenagailua, mikrofonoa, web-kamera, live-stream programa eta internet-a.

Jsawplanet-aren beste tutorialak ikusteko sakatu hemen: I, II, III.

Suscribirse a: Entradas (Atom)